By Nutricionistkinja Milka Raičević i gastroenterolog prof. dr Vojislav Perišić prije nekoliko mjeseci pričali su u Jutarnjem programu o zdravom povrću i hrani koju bi trebalo izbjegavati.
Nutricionistkinja Milka Raičević i gastroenterolog prof. dr Vojislav Perišić prije nekoliko mjeseci pričali su u Jutarnjem programu o zdravom povrću i hrani koju bi trebalo izbjegavati.
Tema razgovora bio je gastritis, a pošto su objasnili koji čaj ne pomaže kod ovakvog problema, dr Voja je upozorio i na sodu bikarbonu koju ljudi piju na svoju ruku.
“Stari je trik, pojedete pa vam nešto ne odgovara, pa uzmete pilulu protiv kiseline. Ako vam bude bolje poslije 45 minuta, to je kiselina. Kakva soda bikarbona, čovječe?! Ona neutralizuje kiselinu na pola sata, i gotovo je dejstvo, nema ga. Moraju se uzimati lijekovi koji imaju prolongirani efekat, soda bikarbona je princip – drži vodu dok majstori odu”, rekao je dr Voja, piše Mondo.rs.
Raičevićeva se složila i rekla da bi želudac trebalo pripaziti i unositi dosta vlakana, koja ga prirodno jačaju i čuvaju od nadražaja.
“Vlakna čuvaju naš želudac, a ja bih pečurke izbacila. Teško su varljive, i rijetko ko ih podnosi. Kao i luk. Sve zavisi kako je pripremljeno”, rekla je ona i dala savjet za pripremu luka.
“Stavite luk presječen u vodu, sačekajte da izvjetri sumporasti miris, pa ga tek onda dodajte u jelo i neće vam smetati. Imate toliko vrsta luka, pa sremuš koji nikome ne smeta… Kombinujte sa sirom ili pavlakom, neutralisaće problem. Cijeli svijet jede prvo salatu, pa onda jela, a mi nažalost ne koristimo dovoljno tu namirnicu koju imamo cijele godine. Sirovi kupus je najjeftinija, a vrlo zdrava namirnica, baš kao i šargarepa. Treba je jesti svježu, a ne da je ubacujemo u supu, kada se skuha organizam može da iskoristi manje zdravih sastojaka iz nje”, rekla je ona.
“Luk je hranljiv, ima kvercetin, Božja je namirnica. Moja pokojna majka ga je sjekla na pola, pa da pocrni na plotni, pa ga je tako ubacivala u supu, znala je koliko je to zdravo”, složio se dr Perišić.